„Подесувањето на фискалните апарати беше лесна и едноставна операција што требаше да ја направат сите. Ние навремено информиравме, известивме кога почнуваат да важат мерките и до кога се роковите. Не се согласувам дека било кратко времето“ рече директорката на УЈП.
Таа додаде дека Управата за јавни приходи прави редовни контроли со цел да се обезбеди успешна имплементација на мерките донесени од Владата со цел задржување на животниот стандард на граѓаните.
„Граѓаните редовно пријавуваат и алармираат дека одредени трговци се уште не ја подесиле својата каса. При контролите на УЈП во петокот и саботата освен за новините во Законот за ДДВ, ние контролиравме и почитување на Законот за готовиснки плаќање, односно дали се евидентира целиот промет“ рече директорката.
Таа додаде дека утврдено е на неколку места скриен промет, но дека со изречените казни се подобрува и даночната дисциплина и се сузбива сивата економија.
извор: lokalno.mk
