Нешто повеќе од една третина од британските матични, односно семејни лекари во Велика Британија се изјасниле дека планираат да дадат отказ во следните пет години, покажала анкетата во рамките на најновото истражување спроведено од Универзитетот во Манчестер.
Истражувањето покажало пад на задоволството од работата на семејните лекари во време на пандемијата со КОВИД-19. Лекарите ги истакнале проблемите со зголемениот обем на работа, зголемените барања на пациентите и “недоволната количина на време за изврпување на рабоатат“.
Анкетата во која учествувале речиси 2.300 семејни лекари, покажала дека документацијата предизивкува стрес, како и долгото работно време и работата со “проблематични пациенти“.
Осум од 10 лекари по општа медицина се жалат поради се поголемото оптоварување и зголемените барања на пациентите.
“Не е изненадувачки што задоволството од работата е намалено меѓу општите лекари за време на пандемијата, но истражувањето дава докази дека некои области од нивната работа се постресни, што може да помогне да се осмислат начини за поддршка“, ги коментира резултатите од анкетата, проф. Кет Чекланд од Универзитетот во Манчестер, која ја водела студијата.
Резултатите, додава таа, сугерираат дека ќе биде потребно да се вложат напори за општата медицина да стане долгорочно одржлива.
