Сите нови автомобили во Велика Британија ќе мора да бидат опремени со ограничувачи на брзината за да се усогласат со новите прописи на Европската Унија, кои многу Британци ги сметаат за контроверзни.
Во Британија наскоро ќе бидат објавени нови мерки за безбедноста на возилата, а една од нив вклучува и намалување на моќноста на моторот доколку се надмине одредена брзина на возилото. Се наведува дека главна причина е безбедноста во сообраќајот, а се очекува мерките да бидат поддржани од еколошки активисти кои веќе подолго време се залагаат за намалување на брзината со цел да се намали емисијата на штетни гасови.
Во петокот членовите на Конзервативната партија во британскиот парламент истакнаа дека предлозите се „доказ за кампањата против возачите“.
Еден од нив, Крег Мекинли, кој е претседател на пратеничката група која ги застапува правата на возачите, изјави дека овие предлози целосно ќе го уништат пазарот на луксузни автомобили.
„Ова е повеќе од Големиот брат. Ќе има се повеќе вакви предлози ако се движиме во таа насока. Мислам дека луѓето не размислувале за аспектот на слободата“, посочи тој.
