„Google“ ги укинува сите апликации за снимање повици

Компанијата планира да ги отстрани од „Play Store“ сите надворешни апликации за снимање телефонски повици на мобилните уреди.

Како дел од „Android 10“, „Google“ ја укина опцијата за стандардно снимање повици, а од 11-ти мај оваа година компанијата имплементира нови правила за „Google Play Store“. Новите правила, исто така, ги спречуваат надворешните апликации да го користат „Accessibility API“ за снимање аудио повици.

Споменатите измени во политиката за услови за користење се имплементирани со цел да се подобри приватноста и безбедноста на корисниците, особено поради фактот што законите за снимање повици значително се разликуваат од земја до земја.

Исклучени од оваа промена се системските, претходно инсталираните апликации, кои веќе имаат дозвола за пристап до „API“ за пристапност и нема да бидат предмет на ова отповикување. Ова се однесува на уредите „Pixel“ и „Xiaomi“, кои имаат свои апликации за снимање повици.

Се смета дека споменатите уреди ја имаат оригиналната функција на снимање повици, но постои можност во иднина да се применат некои дополнителни правила и за вакви ситуации.

Извор: denar.mk