Научниците нѐ предупредија дека имаме само 27 години додека на луѓето на Земјата целосно им снема храна. Тоа значи дека одиме кон криза со храна.Тие го започнаа одбројувањето до судниот ден и велат дека имаме точно 27 години и 250 дена (ако почнеме да броиме од денес).
Социобиологот Едвард Вилсон додаде дека има потреба од две планети како Земјата за да ги задоволат сегашните човечки потреби.
– Постојат ограничувања во способноста на Земјата да го нахрани човештвото. Дури и ако сите на планетата се согласат да станат вегетаријанци, земјоделското земјиште во светот не може да ја поддржи таа потреба. Светското население ќе биде преголемо за да се храни. Дотогаш, ќе има речиси 10 милијарди луѓе на планетата и побарувачката за храна ќе се зголеми за 70% во споредба со она што ни требаше во 2017 година.
Научниците истакнуваат дека производството на храна мора да се удвои за луѓето да се прехранат, и тоа е главната причина за инфлацијата на цената на храната. Во ситуација на претстојна криза со храна, помеѓу една третина и една половина од целата произведена храна се губи или се фрла пред или откако ќе стигне до потрошувачот.
„WorldCounts“ објави дека на глобално ниво оваа година повеќе од 407,73 милиони тони храна досега се изгубени или фрлени. Треба да се истакне и дека од Земјата годишно се „извлекуваат“ околу 90 милијарди тони природни ресурси за да се нахрани потрошувачкото општество.
Се очекува бројот да се удвои меѓу 2015 и 2050 година.
Причината за тоа зошто светот може да нахрани многу поголема популација ако не јадеме месо е тоа што производството на месо бара повеќе енергија од кој било друг вид на храна. На пример, за производство на месо е потребно 75 пати повеќе енергија отколку за пченката.
Како дел од кризата со храна, цените на храната, како што се пченката и оризот, најверојатно ќе пораснат брзо за 180% и 130%, соодветно, до 2030 година.
