Темелите на градот сеуште се под вода, но камбанаријата е доволно висока за да го означи центарот на некогашното место кое многумина го нарекувале дом.
Јужен Тирол е познат по една од најнеобичните туристички атракции во Европа – езерото Ресија со камбанарија. Тоа е акумулационо езеро на северот на Италија направено во 1950 година.
Пред изградбата на езерото, во овој крај постоело село, кое било поплавено со акумулацијата на езерото. Она што денес останало од селото по поплавата е единствениот споменик, поточно кулата на селската црква која штрчи надвор од езерото. Во текот на зимата, кога езерото замрзнува, до неа се стигнува пеш.
Темелите на градот се уште се под вода, но камбанаријата е доволно висока за да го означи центарот на некогашното место кое многумина го нарекувале дом. Камбанаријата е важен историски симбол на регионот, поради што е обновена пред десет години. За да се покријат пукнатините на камбанаријата, требало да се исуши водата од езерото.
Многумина велат дека сè уште го слушаат ѕвоното од кулата, иако било отстрането по изградбата на езерото.
