Американскиот гигант за брза храна Мекдоналдс ќе плати повеќе од милијарда евра за да го реши спорот со француските власти поради затајување данок
Претседателот на парискиот трибунал во четвртокот го потврди договорот меѓу Мекдоналдс и француските даночни власти, според кој американскиот синџир ресторани ќе плати 737 милиони евра неплатени даноци и 508 милиони евра паричнa казнa, изјави портпаролот на Генералниот директор за јавни финансии.
Ова е најголемата сума што некогаш и била платена на француската администрација, за случај поврзан со даноци, соопштија француските власти, додавајќи дека договорот опфаќа неплатени даноци меѓу 2009 и 2020 година.
Мекдоналдс беше критикуван за намалување на износот на оданочената добивка во Франција, бидејќи дел од добивката од француските подружници била префрлувана во седиштето во Луксембург.
Францускиот финансиски обвинител покрена истрага за даночната практика на Мекдоналдс во 2016 година, по жалбата на вработените на овој американски синџир, кој беше застапуван од адвокатката Ева Џоли, поранешна пратеничка во Европскиот парламент од редовите на Зелените.
Властите на ЕУ, исто така, ги доведоа во прашање даночните договори на Мекдоналдс со Луксембург, но по тригодишна истрага, Европската комисија во 2018 година заклучи дека гигантот нема корист од даночниот третман од Луксембург.
.jpg)
