Изградбата на нови станови е во пораст и покрај тоа што последниот попис откри дека во државата има над 300 илјади празни.
Општините во април годинава дозволиле изградба на 199 објекти со 752 стана, со вкупна површина од речиси 62 илјади квадратни метри.
Во Керамидница стан во градба се продава за 1.100 евра квадрат, иста е цената и за готовите станови во Маџари, цената на становите во Тафталиџе веќе надмина 1.400 евра, во Ѓорче Петров за квадрат стан во градба се бараат 1.200 евра.
Во Охрид, пак, новите станови се продаваат по цена од 1.400 евра за квадрат, па и повеќе, во зависност од локацијата.
Како и обично, во април најмногу градежни дозволи се издадени во Скопскиот регион, но големо раздвижување овој пат има во Вардарскиот.
Секој трети стан за чија градба е издадено одобрение во април е во Скопје.
.jpg)
