Фабриката на GAZ во Нижни Новгород не добива доволно делови за да продолжи да склопува автомобили за Volkswagen
Групацијата Volkswagen, наводно, ќе ја прекине работата во Нижни Новгород, Русија, каде што се склопуваа возилата од брендот VW и Skoda. Фабриката работеше според договор со GAZ, но недостатокот на делови и логистичките нарушувања го натераа германскиот производител на автомобили да се повлече.
Volkswagen го прекина производството во фабриките во Калуга и Нижни Новогород во март, откако беа воведени санкции кон Русија по нејзината воена интервенција во Украина. Сега, компанијата засекогаш ги завршува своите операции во последната преостаната фабрика, пренесува Reuters.
Образложението зад оваа одлука e „недостаток на делови произведени од ЕУ, критично важни компоненти од Украина и недостаток на еквиваленти произведени дома, прекин на логистичките синџири и неможност да се предвидат условите за продолжување на работата“.
Oпремата за монтирање и другата механизација во фабриката ќе бидат преместени во фабриката на VW во Калуга, која производителот на автомобили ја поседува директно и вработува околу 4.200 работници, изјави Дмитри Трудовој, претседател на синдикатот на Здружението на работници.
Спротивно на тоа, само 200 работници беа вработени во фабриката во Нижни Новгород и мнозинството од нив веќе избраа да добијат откуп и доброволно се откажаа. Канцеларијата на фабриката, во меѓувреме, беше затворена на 5 јули, при што Volkswagen обвини за таа одлука „високото ниво на неизвесност и неможноста да се предвиди потенцијалното продолжување на производството“. Производителот на автомобили соопшти дека 60 лица ќе бидат погодени од затворањето на канцеларијата.
Договорот што доведе до работата на фабриката во Нижни Новгород беше потпишан од Volkswagen и GAZ во 2011 година. На ова место се произведуваа Volkswagen Taos, како и моделите Škoda Kodiaq, Karoq и Octavia.
ГАЗ, наводно, нема намера да ја затвори фабриката и бара други опции.
.jpg)
