Оваа сезона голем број посетители во туристичка Струга. Намалувањето на мерките и рестрикциите ги наполни сместувачките капацитети во градот на мостовите. Од хотелската асоцијација велат, добра исполнетост бележат и хотелите и приватното сместување на струшкото крајбрежје.
Полн со туристи е и градскиот извиднички камп, најголем интерес има за кампинг куќичките на дрво. Туристичките работници очекуваат закрепнување и враќање на туризмот на старите патеки.
Градот на две води, ова лето ја збогати туристичката понуда. На гостите им се нуди активен туризам, нуркање, веслање, едрење, планинарење, параглајдинг и велосипедизам.
Новиот тренд е „глампинг туризам“, што значи спој на гламур и кампување. Покрај дрвените куќички, во градскиот камп се нудат современо уредени шатори и простор за странските трејлер приколки.
извор: mrt.com.mk
.jpg)
