Ако се чувствувате дека губите време во текот на денот, можеби сте во право. Научниците тврдат дека на 29.06.2022, Земјата се вртела побрзо од нормално и го имала најкраткиот ден регистриран досега.
Земјата го регистрираше својот најкраток ден откако времето беше следено со атомски часовници. Според информациите, ова се случило на 29 јуни, што било пократко за 1,59 милисекунди. Нормалната должина на денот е 24 часа или 86.400 секунди. Но, во последниве години, ротацијата на Земјата се забрза, скратувајќи неколку денови за милисекунди.
„Оваа година ротира побрзо од 2021 и 2020 година“, вели Леонид Зотов од Универзитетот Ломоносов во Москва.
Научниците велат дека може да се виновни климатските промени, сеизмичката активност и океанските струи.
Експертите се убедени дека не секој ден станува сè пократок, но ако трендот продолжи, атомското време – универзалниот начин на мерење на времето на Земјата – можеби ќе треба да се промени. Некои научници предлагаат да се воведе негативна престапна секунда. „Бидејќи не можеме да ги менуваме стрелките на часовникот поврзани со ротацијата на Земјата, ја прилагодуваме скалата на атомскиот часовник“, рече Зотов.
За разлика од престапните години, во кои е додаден дополнителен ден, негативната престапна секунда би значела дека часовниците би прескокнале секунда.
Некои инженери се противат на воведувањето на престапна секунда бидејќи тоа може да доведе до големи и катастрофални технички проблеми.
Научниците објаснуваат дека причината за сè може да лежи во глобалното затоплување, што е топење на мразот и снегот со побрзо темпо.
