Низ светот се зголемува бројот на сопственици на криптовалути. Според анализа на компанијата за плаќање во криптовалути „Трипл-Еј“ годинава бројот на сопственици на критповалути ќе надмине 320 милиони низ светот, пишува fakulteti.mk.
Од земјите во регионот предничи Грција со 182.307 сопственици на криптовалути (1,71 отсто од населението) во 2021. Следуваат Бугарија со 169.537 сопственици (2,47 отсто), Србија со 127.461 (1,86 отсто), Хрватска со 61.553 (1,56 отсто), Босна и Херцеговина со 48.547 (1,39 отсто) и Албанија со 40.348 (1,43 отсто).
Според податоците, во 2021 во Македонија имало 26.705 сопственици на криптовалути, што е 1,26 отсто од населението.
