Катар ќе им дозволи на навивачите со билети да купат пиво на фудбалските натпревари на Светското првенство, но три часа пред почетокот и еден час по последниот судиски свиреж, но не и за време на натпреварот.
Бадвајзер, главниот спонзор на Светското првенство со ексклузивни права за продажба на пиво на турнирот, ќе служи пиво во навивачките зони околу секој стадион, но не и на трибините на стадионот или на теренот.
„Ќе има пиво кога ќе се отворат вратите, што е три часа пред почетокот на натпреварот. Секој што сака да пие пиво ќе може. А потоа кога ќе го напушти стадионот еден час по последниот судиски свиреж“, ја цитира Ројтерс изјавата на извор близок до организацијата на Светското првенство.
Засега не е јасно како Катар ќе го реши проблемот со продажба на пиво пред 13 часот. Велс и Иран играат во петок, 25 ноември, кога повеќето муслимани во Катар ќе се соберат во џамиите на неделната заедничка молитва.
Посетителите не можат да внесат алкохол во Катар, дури и ако го купат на аеродром, а не можат да купат алкохол во единствената продавница за алкохол во земјата, на периферијата на Доха. Таму можат да пазарат само странски државјани со дозволи и тоа за домашна потрошувачка.
Посетителите можат да пијат во десетици лиценцирани хотели и клубови, каде што половина литар пиво чини 18 долари.
Бадвајзер ќе го продава своето безалкохолно пиво „Бадвајзер Зеро“ на стадионите и трибините за време на натпреварите и на други области за навивачите, додаде неименуван извор близок до организацијата на СП.
извор: biznisinfo.mk
