Доколку новиот крал не ги одобри, ќе мора да го отстранат во рок од две години.
Чаевите Fortnum и Mason, мантили од Burberry, чоколадото Cadbury, па дури и метли и храна за кучиња се меѓу производите кои се изложени на ризик да го изгубат кралскиот престиж.
Пред сѐ, печатот е знак за квалитет. Оние кои имаат право на тоа можат да го испечатат кралскиот грб на своите производи, амбалажата, да го стават на огласи, на работните места и возилата.
Иако е тешко да се измери, за некои, кралското одобрување секако ја зголемува продажбата.
Ако не добијат одобрение од новиот крал Чарлс III, кој веќе имал свои 150 брендови со кнежевско одобрение, во рок од две години ќе мора да ја отстранат ознаката дека тие се претпочитаниот снабдувач на суверенот.
Фортнум и Мејсон, на пример, веројатно не мора да се грижат за новото одобрување бидејќи на Чарлс му се допаѓа нивниот чај.
„Горди сме што го имаме печатот на нејзиното височество од 1954 година и што го снабдувавме кралското домаќинство за време на нејзиниот живот“, велат од лондонската компанија која произведувала чај и за кралот Едвард VII, прадедото на Елизабета.
Barbour, компанијата која беше официјален снабдувач на водоотпорна и заштитна облека на кралицата, нема причина да се грижи, зошто е бренд и за нејзиниот син.
Меѓу брендовите кои имаат корист од нивната поврзаност со кралицата е виното на Dubonnet, клучна состојка во омилениот Dubonnet џин коктел на Елизабет.
Лунер, кој се гордееше со снабдување на кралицата со познати чанти, може да ја изгуби ценетата етикета.
За брендовите кои не се толку многу поврзани со кралицата за јавноста, што несомнено беа чантите, „кралскиот сертификат е пред сè признание за знаење и традиција“, вели Кристијан Порта, директор за глобален развој во Pernod Ricard, сопственик на Дубонет.
Таа француска компанија има и кралска етикета за шампањот Mumm. И стоките за широка потрошувачка можат да добијат кралско одобрение како Хајнц, познат по својот кечап.
Американската компанија Келог ја снабдувала кралицата со житарки.
Нејзиниот британски портпарол Пол Вилер вели дека тие биле постојан снабдувач на кралското семејство за време на 70-годишното владеење на Елизабета.
„Имавме специјално комбе со кое доставувавме житарки на кралското семејство директно од фабриката“, рече тој.
Кралските одобренија траат пет години, а критериумите за нивно обновување се сè построги.
извор: kanal5.com.mk
