Сите имаме денови кога стануваме на “лева нога” и го „мразиме“ целиот свет. Сепак, ова не е изговор да заборавиме да бидеме љубезни кон другите. Сопственикот на кафуле во Велика Британија решил на посебен начин да ги награди своите пристојни клиенти.
Некои луѓе, сосема случајно, набрзина или затоа што штотуку се разбудиле, прескокнуваат да кажат „те молам“ додека нарачуваат храна или кафе наутро. Сепак, сопственикот на кафулето ги потсетува зошто тоа не треба да се прави.
На почетокот на оваа година, Усман Хусеин отвори кафуле, поточно чајџилница во Престон, во која освен чај, се нудат и крофни и појадок, а специјална цена ги чека посетителите веднаш на влезот.
Имено, политиката на кафулето е чајот да ве чини 1,90 фунти ако сте љубезни и 5 фунти ако не сте.
„Најважно во мојата работа е тоа што, кога луѓето поминуваат низ овие врати, чувствуваат дека ги третираат како добредојдени гости, како да се дома. Убаво е кога тие возвраќаат“, рече Хусаин.
Тој откри дека идејата ја добил од едно американско кафуле пред неколку години. Тој исто така рече дека секогаш ги предупредува клиентите за правилата на кафулето.
„Доколку клиентите не ги користат нивните манири, укажувам на знак и тие веднаш стануваат поучтиви. Многу луѓе знаат да бидат груби наутро, но кога ќе го видат знакот, тоа ги тера да размислуваат. Никогаш не знаеш низ што поминува некој, па затоа е груб, но тоа ги тера да се опуштат и да зборуваат“, објасни тој.
Се чини дека посетителите го ценат она што овој сопственик го практикува во неговата чајџилница, и судејќи според тоа колку е посетено, многумина го опишуваат местото како „прекрасно и чудно, со врвна услуга“.
Најевтината цена се применува ако клиентот дојде и рече: „Здраво, Деси Чаи ве молам“, додека најскапата цена ќе ја платите ако само кажете „Деси Чаи“. Има и „златна средина“, што значи дека ќе платите 3 фунти за „Деси Чаи, ве молам“, без да се збогувате.
Хусеин, чија чајџилница е инспирирана од Индија, се надева дека методот ќе поттикне „само добри вибрации“ во неговата установа. Како што рече, досега не наишол на некој некултурен, но ова му служи како потсетник за добро однесување.
„Мислам дека е убаво потсетување да се однесуваме убаво, бидејќи, за жал, понекогаш ни е потребно. Бидејќи го имаме тој знак, луѓето дефинитивно доаѓаат поотворени и насмеани“, откри тој.
