Божиќниот период е се поблиску, а по тој повод излегоа и првите божиќни реклами.
Дизни неодамна ја објави овогодинешната празнична реклама која трогна илјадници гледачи. Анимираниот цртан филм со наслов The Gift, кој ја следи приказната за едно семејство каде пристигнува ново бебе, предизвика многу позитивни реакции. Рекламата, како и претходните божиќни реклами на Дизни во Велика Британија, е направена во соработка со добротворната организација Make A Wish.
Гледачите се воодушевени од новите божиќни реклами
Покрај Дизни, божиќни огласи објавија и брендовите Asda, Sainsbury’s, Marks&Spencer и TK Maxx. Рекламите на YouTube веќе броат неколку илјади прегледи, а гледачите се воодушевени. „Ги обожавам божиќните реклами. Секој пат ми го разнесуваат умот“, е еден од коментарите.
Судејќи според коментарите, Асда годинава успеа да ги надмине очекувањата на гледачите. Нивната реклама прикажува божиќен елф кој влегува во продавницата и ги насмевнува клиентите и вработените. „Ова е одлично, не можам да престанам да се смеам“, „Ова е најдобрата божиќна реклама досега“, се дел од коментарите на YouTube.
Подолу можете да ги погледнете новите божиќни реклами на брендовите.
Во октомври британската компанија Very.co.uk која се занимава со онлајн купување објави божиќна реклама. Во тоа време, гледачите пишуваа дека компанијата ја објавила божиќната реклама премногу рано. „Тоа е она што не е во ред со Божиќ во последниве години – тој започнува 12 недели пред вистинскиот датум. Крваво смешно“, беше еден од коментарите.
Рекламите на Кока-Кола станаа синоним за празниците
Џон Луис и Кока-Кола допрва треба да објавуваат нови божиќни реклами. Инаку, пред неколку години рекламите на Кока-Кола станаа синоним за празниците благодарение на одличната маркетинг стратегија. Секоја нивна реклама се следи со голем интерес и буди емоции бидејќи топлите и емотивни приказни околу празничната трпеза се столбот на рекламите на овој бренд.
Покрај божиќните реклами, гледачите можат да уживаат и во божиќните филмови. Веќе можете да најдете некои нови божиќни наслови на Нетфликс.
Извор: mk.tv21.tv
