Додека повиците за враќање во канцеларијата стануваат се погласни, работниците бараат начин да „фатат кривина“.
Имено, работниците ширум светот, а особено во САД, на интернет бараат изговори за да пропуштат работа токму во моментот кога нивните газди ги повикуваат да се вратат на работните места.
Според анализата на Френк Груп, глобална фирма за регрутирање, вкупниот број на пребарувања на Гугл од веродостојни причини „за да се избегне работа“ се зголемил во изминатите две години, надминувајќи 2 милиони само во 2022 година.
Се покажа дека станува збор за болест, семејни или домашни итни случаи, прегледи на лекар и проблеми со автомобилот.
Овој наплив на пребарувања доаѓа кога директорите изразуваат загриженост за тивките оставки и падот на продуктивноста, како и барањата тие да се вратат во канцеларија.
Работниците во различни индустрии одбија да се вратат на работа со полно работно време, особено во големите градови кои бараат подолги патувања до и од работа.
Неодамнешната анализа на Банката на Федерални резерви на Њујорк покажа дека американците колективно заштедуваат 60 милиони часа патување секој ден работејќи од дома. Враќањето во канцеларија за многумина значи помалку сон и помалку слободно време за да се балансираат другите животни потреби.
Посебен предизвик за работодавачите во наредниот период ќе биде да се најде баланс помеѓу напорите за зголемување на продуктивноста и поддршка на благосостојбата на вработените.
Компаниите ширум светот експериментираат со четиридневна работна недела за да ги решат овие проблеми. Продуктивноста остана стабилна или подобрена во речиси сите организации во Обединетото Кралство, додека друга студија покажа дека вработените добиваат околу еден час спиење секоја вечер, веројатно затоа што нивното време е помалку ограничено.
