Најстарата пустина во светот неодамна е покриена со цвеќиња.
Оваа сушна област во Чиле без вегетација, сега е покриена со розова, виолетова и жолта вегетација. Toa го овозможија растенијата познати како геофити. Овие растенија се посебни затоа што можат да преживеат под површината за време на периоди на силна суша и повторно да цветаат штом ќе се врати дождот. Иако ова не е невообичаена појава, цутот на пустината Атакама оваа година ги изненади научниците.
Обично се случува на крајот на временскиот настан познат како Ел Нињо, кој предизвикува зголемување на температурата на Тихиот океан и производство на жешки ветрови и силен дожд во овој дел од Америка. Оваа година студената верзија на овој циклон го погоди континентот. Поради пониските температури од вообичаеното, научниците беа изненадени од големината на овој цут.
Цветањето на пустината е и можност за чилеанските власти да инсистираат на нејзина заштита. Во последниве години, властите ги потсетуваат туристите и посетителите да не берат цвеќе.
„Цветовите даваат плод и семиња, па ако денес понесете цвеќе со себе, ќе земете и цвет што треба да расте. Со најмало влијание, овие циклуси засекогаш би биле изгубени бидејќи се многу чувствителни“, изјавил професорот Кристијан Атала за Гардијан.
Неопходното зачувување на овој екосистем ќе се изврши во наредните години. Чилеанскиот претседател Габриел Бориќ најави дека пустината Атакама ќе биде класифицирана како национален парк и ќе има статус што ќе и даде подобра заштита на оваа област.
