Просечната стапка на населението што живее во премали станови во Европа е 17,1 отсто значително повисока отколку во Германија. Најтешко им е на Романците и Летонците, а најмногу простор во станот имаат Малтежаните и Кипарците.
Според податоците од истражувањето за приходите и условите за живот во Европската унија од минатата година, 15,9 отсто од домаќинствата со деца не живееле во доволно пространи станови.
По правило, колку повеќе деца има во семејството, толку е поизразен проблемот со просторот за живеење, па речиси една третина од семејствата со најмалку три деца, 30,9 отсто од нив, живеат во премали станови. Исто е и со 28,4 отсто од домаќинствата на самохрани родители со деца.
Секој стан е премал без доволно соби за бројот на членови на домаќинството. Статистички, бројот на потребните соби варира, на пример во зависност од возраста и полот на децата или од семејните односи меѓу возрасните членови на домаќинството.
Животниот простор е особено редок во големите градови, каде 15,5 отсто од домаќинствата живеат во преполни станови. Многу подобра е состојбата во помалите градови и села, со учество од 8,6 и 4,9 отсто.
