Луѓето во Јужна Кореја наскоро ќе станат една до две години помлади, благодарение на новиот закон што има за цел да го стандардизира начинот на пресметување на возраста во земјата.
Вообичаено е Јужнокорејците да имаат не само една, туку три возрасти како „меѓународна возраст“, „корејска возраст“ и „календарска возраст“. Но, за да се стави крај на конфузијата, парламентот донесе декрет според кој од јули, 2023 година сите официјални документи мора да ја користат стандардната „меѓународна возраст“.
Потегот следи по долга дебата за ова прашање, а ќе ја доведе земјата во согласност со поголем дел од светот и ќе ги намали правните недоследности кои произлегуваат од употребата на три различни системи.
Во Јужна Кореја, „меѓународната возраст“ на една личност се однесува од раѓањето и започнува од нула, истиот систем што се користи во повеќето други земји.
Но, кога ќе ги прашаат за нивната возраст во неформален амбиент, повеќето Јужнокорејци ќе одговорат со нивната „корејска возраст“, која може да биде една или две години поголема од нивната „меѓународна возраст“.
Според овој систем, бебињата се сметаат за една година на денот кога се родени, а една година се додава на секој 1 јануари. Во некои околности, Јужнокорејците ја користат и својата „календарска возраст“, еден вид вкрстување меѓу меѓународната и корејската возраст, која смета дека бебињата имаат нула години на денот кога се раѓаат и се додава една година на нивната возраст на секој 1 јануари.
На пример, популарниот пејач Псај е роден на 31 декември 1977 година, а се смета дека има 44 години според меѓународна возраст, 45 според календарската возраст и 46 според корејската возраст.
Би можело да ве интересира: 10 факти за Јужна Кореја кои го зачудуваат остатокот од светот!
извор: kajgana.com
.jpg)
