Работниците во Германија во новата година ги очекуваат бројни промени, пред сè во структурата на трошоците.
Би можело да ве интересира: Идеално место за работа и просечна плата од над 3,000 евра
Ќе се зголемат придонесите за социјално осигурување, како и придонесите за основното законско здравствено осигурување, пренесува магазинот Fenix.
Со други зборови, секој што е осигурен во компанија за здравствено осигурување треба да дознае дали сопствениот осигурител им ги зголемува придонесите. Но, се чини дека зголемувањето не е толку драматично како што се стравуваше во октомври. Сепак, некои компании за здравствено осигурување ги зголемуваат придонесите за 0,2 отсто.
Најголемиот осигурител во Баварија, АОК, дури ги зголемува придонесите за 0,28 процентни поени. Од јануари од бруто платата ќе се одбиваат 16,18 отсто, наместо 15,9 отсто.
Двата најголеми фонда во Германија, ТК и Бармер, најавија дека ќе ја задржат стабилноста на нивните придонеси.
Секој што сака да се збогува со задолжителното здравствено осигурување и да биде приватно осигурен мора од нова година да заработи најмалку 66.600 евра бруто, односно 5.550 евра месечно.
Со тоа за 3,5 отсто се зголемува лимитот за задолжително осигурување во однос на претходната година.
За 0,2 до 2,6 отсто ќе се зголемат и придонесите за осигурување во случај на невработеност, а за десетина процентни поени ќе се зголемат и трошоците за пензиско осигурување на 18,7 отсто. За многумина, сепак, ова се ублажува со фактот што од 2023 година пензиските придонеси целосно ќе се одбиваат од данок.
Од новата година електронскиот сертификат АУ ќе може да го користат сите кои имаат постојан работодавач. Тоа значи дека лицето кое добило боледување од лекар, а е законски осигурено, повеќе не мора да се грижи дали работодавачот ќе добие црвено уверение за спреченост за работа.
Наместо тоа, работодавачот може да добие суштински информации директно од компанијата за здравствено осигурување. Кај приватните осигуреници останува на сила претходната регулатива.
Веќе во септември вработените кои работат како негувателки без сопствен колективен договор добија покачување на платите, а во новата година следуваат уште две зголемувања на платите. Првото зголемување на платата ќе биде во мај 2023 година. Негувателките тогаш ќе добиваат 13,90 евра на час, квалификуваните негувателки 14,90 евра, а медицинските сестри 17,65 евра.
Второто зголемување на платите доаѓа во декември. Негувателите потоа добиваат 14,15 евра, квалификуваните негуватели 15,25 евра, а медицинскиот персонал 18,25 евра. Покрај тоа, вработените во системот за грижа треба да добијат повеќе денови за одмор. Тие добија платено отсуство од најмалку 29 дена во 2023 и 2024 година.
Во јануари ќе се усогласат и колективните договори на другите стопански гранки. Воспитно-образовниот персонал потоа ќе добива саатница од 17,87 евра (претходно: 17,18 евра). Покривачите на кровови ќе добиваат 14,80 евра (претходно 14,50 евра) на час, а во електротехниката минималната саатница тогаш наместо досегашните 12,90 евра ќе биде 13,40 евра.
Во текот на годината, вработените во месната индустрија, во транспортот на пари и вредни предмети, вработените во безбедносните служби и аеродромите може да очекуваат зголемување на платите. Ако работите од дома, можете да барате шест евра за трошоци поврзани со приходите за најмногу 210 работни дена од дома во следната година кога ќе ја поднесете даночната пријава.
Годишно од даноците може да се одбијат дополнителни 1.260 евра. Основниот надоместок за данок на доход се зголемува од 10.347 евра на 10.908 евра годишно.
