Од жените се очекува да бидат успешни во својата работа, но и добри домаќинки. Тие секојдновно имаат бројни домашни обврски: готвење, перење, одржување на домот, грижа за децата...
Често може да се слушне дека да се биде мајка и домаќинка не е лесна работа, бидејќи бара целодневен ангажман, кој подразбира готвење, перење, чистење, грижа за децата и извршување низа други активности и сето тоа бесплатно.
Би можело да ве интересира: Ќе се намали ли породилното од 9 на 5 месеци?
Американското Биро за економски истражувања сакало да дознае колку тие жени би заработувале доколку им биде платен нивниот труд и во соработка со експертите од Универзитетот Тексас пресметале дека нивната плата би изнесувала околу 52.000 долари годишно.
За да дојдат до тој резултат, авторите на студијата во текот на 10 години следеле неколку семејства, оценувајќи ги секојдневните задачи кои ги извршувале водејќи грижа за децата и домот.
Со студијата е утврдено дека жените во просек работат 94 часа неделно и имајќи ги предвид надоместоците на домашните помошнички и готвачки, би требало да заработуваат околу 8.000 долари месечно.
Треба да се има на ум и дека многу жени се вработени, па кога на платата на домаќинка би се додала и заработувачката од работа, нивните годишни примања би биле далеку поголеми.
Што мислите, треба ли трудот на домаќинките да биде платен?
