Мајките кои се вработени им даваат позитивен пример на своите деца, покажува научна студија од Харвард.
Голем е бројот на мајки на мали деца кои се соочуваат со коментари од околината дека треба повеќе време да поминуваат со детето и помалку да работат. Поради тоа, мајките почнуваат да се обвинуваат себе, а работодавачите понекогаш и немаат разбирање за проблемите на нивните вработени кои имаат мали деца.
За да може едно дете да порасне во здрава и стабилна личност нема потреба едниот родител да биде дома, односно да не работи, покажува студијата на Харвард.
Ќе ве интересира: Мајчинско, татковско и родителско отсуство предвидува новиот Предлог-закон за работни односи
Исто така, се потенцира дека мајките кои работат им даваат позитивен пример на своите деца. Се нотира дека ќерките на вработените мајки постигнуваат значајни резултати и на училиште и потоа кога ќе се вработат. Освен тоа, полесно доаѓаат до работа, имаат развиени вештини и заработуваат повеќе од жени кои пораснале со мајки кои не работат. Ваквите деца немаат проблем ниту со социјализација и полесно остваруваат контакти и запознаваат нови луѓе.
Партнерите на вработените мајки почесто се ангажираат околу чување на децата, средување на домот и грижа за семејството, па поради тоа активните мајки придонесуваат за рамноправност меѓу половите.
Ако децата растат со мајка која е вредна, одговорна и посветена, тогаш го прифаќаат таквото однесување и го пресликуваат кога ќе пораснат.
.jpg)
