Што ќе се случи во телото ако целосно престанете да јадете леб?

Ако го јадете во големи количини, ќе внесете многу калории и веројатно ќе добиете некој килограм вишок.

Би можело да ве интересира: Пет видови храна од конзерва која можете да ја јадете без страв

Лебот може да ви обезбеди хранливи материи како што се витамин Б и железо. Меѓутоа, ако го јадете во големи количини, ќе внесете многу калории и веројатно ќе добиете некој килограм вишок.

Еве три промени што можете да ги очекувате ако го исфрлите лебот од вашата исхрана:

1. Ќе изгубите тежина предизвикана од задржување вода во телото

Лебот е полн со јаглехидрати, а нивното нагло исфрлање ќе се забележи на телото во вид на слабеење. Но, не станува збор за моментално слабеење, туку за губење на водата што се акумулира во телото. Телото складира јаглехидрати во форма на гликоген, млечна киселина која собира вода. Секој грам јаглехидрати задржан во телото задржува и врзува три до четири пати повеќе од неговата тежина во вода.

2. Нема да бидете постојано гладни

Преработените јаглехидрати, како што е белиот леб, предизвикуваат ненадеен раст и скок на шеќерот во крвта во вашето тело, кој потоа многу брзо опаѓа. Овие ненадејни промени испраќаат нејасни сигнали до мозокот кои го зголемуваат гладот и желбата за храна, предизвикувајќи дебелеење.

Но, тоа не значи дека треба целосно да го исфрлите лебот од исхраната, туку празните калории и белиот леб да ги замените со оние од цели зрна кои го регулираат и балансираат шеќерот во крвта.

3. Ќе ви се зголеми енергијата и ќе ви се подобри варењето

За разлика од интегралниот или црниот леб, белиот леб не содржи влакна, кои се многу неопходни за нормално функционирање на цревата и варењето. Таквата храна предизвикува запек и дигестивни проблеми. Откако ќе го исклучите белиот леб од менито и ќе ги вклучите интегралните житарки во вашата секојдневна исхрана, варењето почнува да работи нормално и лесно.

Исто така, јаглехидратите се храна и гориво за мозокот. Ако е квалитетен, мозокот работи нормално, без пречки, но ако храната за мозокот не е здрава, телото реагира негативно, предизвикувајќи чувство на слабост и замор.

Извор: kajgana.com