Булеварот на славните, попозната како „Патека на славните“ во Холивуд, е едно од најпосетуваните места во САД, а освен што е туристичка атракција, розовите ѕвезди на неа се и престижен симбол на успех во светот на познати личности.
Мерлин Монро, Стивен Спилберг, Квентин Тарантино и Џејмс Дин се само дел од сопствениците на ѕвезди од вкупно 2.751 што моментално се на патеката.
Многу луѓе не знаат дека секоја година се добиваат повеќе од 200 апликации од познати ѕвезди кои го посакуваат нивното име на Булеварот, но во просек само 30 од нив се прифаќаат, како што е наведено на официјалната веб-страница на „Патеката на славните“.
По потесниот избор на оние кои ги исполнуваат сите услови за ѕвезда, како на пример да се работи во забавната индустрија повеќе од пет години и да се добие една од најважните награди, оние кои добиле најмногу гласови од јавноста преминуваат на следната фаза.
Можеби ќе ве интересира: Бен Афлек и Мет Дејмон делеле банкарска сметка пред да станат славни: „Сè додека едниот од нас имаше пари...“
Комисија составена од пет експерти ги избира познатите личности чии имиња ќе бидат на холивудско небо. Покрај тоа, номинираните мора да напишат писмо со кое го прифаќаат признанието и наградата.
Кога уметникот ја добива оваа награда, тој мора да плати за одржување на ѕвездата до неговата смрт.
Сите познати личности кои ќе ја добијат мора да платат 50.000 долари за создавањето на делото што ќе биде вградено во ѕвездата и нејзиното одржување во иднина, се наведува на официјалната веб-страница на Булеварот на славните.
Извор: info.mk
