Задоволен гостин кој си оди полн со позитивни коментари и пофалби е целта на секој угостител. Конкуренцијата во угостителството е огромна, па не е ни чудо што опстојуваат само најупорните и најсофистицираните.
Добра и квалитетна услуга!
Управувањето со деловните активности во насока на потребите на крајните корисници е основа за успех на секој бизнис. Активности кои ги задоволуваат желбите и потребите на гостите вклучуваат, меѓу другото, прием на гости, сместување, богато и квалитетно мени, забава и низа други содржини.
Угостителството и туризмот се најбрзо растечка категорија, а нивната понуда се повеќе се мери со способноста да се обезбедат услуги прилагодени на секој корисник на услугата поединечно. Профитабилноста и деловната ефикасност се мерат преку способноста да се задоволат специфичните желби и потреби на гостите. Најголема улога во успехот на вашиот бизнис игра грижата кон гостите, што се постигнува преку комуникација помеѓу сите вработени. Меѓусебно разбирање, хармонија и поврзаност се пренесуваат на вашите гости. Односот меѓу вработените и функционирањето на тимот се темел врз кој гостите носат заклучи, оценуваат и се сеќаваат на позитивни и негативни искуства за услугата која ја добиле.
Комуникација со гостите
Најважно во овој процес е директната комуникација со гостите, која е најдобра промоција и реклама за вас, секако, ако е добра. Лошиот однос на вработените во најголем број од случаите доведува до сигурно незадоволство кај корисниците на вашите услуги и ќе доведе до несогледливи негативни последици. Препознавајќи ги потребите и интегрирајќи ги во квалитетна услуга максимално придонесува за задоволството на гостите. Секогаш инсистирајте на квалитетна услуга и не штедете на квалитетен персонал!
Позитивната енергија е основа
Позитивната енергија мора да постои помеѓу вработените, за да биде пренесена на гостите. Првиот чекор во таа насока е грижа за вработените во угостителскиот објект. Да препознаете кога некој од нив има проблем (остави ги приватните проблеми дома не е најдобар совет), да разговарате со нив за проблемите, да им понудите помош доколку им е потребна. Најчесто нема да може да им помогнете, но вашата грижа ќе биде доволна причина вработениот следниот ден да дојде на работа со насмевка и уште подобро да се грижи за гостите.
Истражете ги навиките на гостите
Очекувањата на гостите произлегуваат од:
- вредностите на општествениот систем и културата на која припаѓаат,
- ставови за културата во која гостите престојуваат (ако се туристи),
- нивните лични вредности и ставови,
- моменталните расположенија кои се одраз на одредени настани кои им се случуваат, и
- нивните навики.
Грижата за гостите и обезбедувањето квалитетни услуги значи, меѓу другото, дека:
- ја познавате културата на гостите,
- ги разбирате и прифаќате спецификите на гостите,
- ги препознавате нивните очекувања,
- многу добро ги знаете сите можности на местото каде што престојуваат гостите,
- комуницирате со гостите на повеќе јазици,
- секогаш кон нив настапувате со отвореност, добро расположение, насмевка и што е најважно - максимална љубезност.
Сакате да станете УСПЕШЕН МЕНАЏЕР и вашиот тим да добие ОБУКА од врвни мастер oбучувачи, по швајцарски стандарди?
