Саша Лампаш, шампион во бодибилдинг, е најсилниот човек на Балканот!
Можете ли да замислите кревање автомобил како од шега? Ова не е проблем за „Хулк од Суботица“. Саша Лампаш има 29 години и во 2017 година беше прогласен за најсилен човек на Балканот. Велат дека Саша е сè само не обичен човек, но за да биде таков, вложил многу труд.
„Влечам камион, правам мртво кревање, ги креваме тие големите топки“, вели Саша, кој од мал се занимавал со разни спортови, додека не се пронашол во power lifting и бодиболинг. Понекогаш има и до три тренинзи дневно. Обичен човек, без лажна скромност, не може да биде како мене, затоа што навистина мора да се занимава со спорт од мали нозе“, изјави Саша во српската емисија „Експлозив“.
Покрај тоа што е во српската репрезентација во бодибилдинг, тој е и личен тренер во теретана. Кога новинарот побарал да го опишат нивниот тренер со три зборови, неговите клиенти се пошегувале дека тренерот е „преголем за да се опише со три збора“.
Строго се грижи за исхраната, па не јаде ниту грам чоколадо. Јајца, шејкови со говедски желатин за појадок се задолжителни. Речиси воопшто не јаде маснотии, но јаде месо со секој оброк. Дневен внес од 3.500 до 6.500 калории.
„Ми се случувало во последните недели пред натпревар да изедам 2,8 килограми месо во еден ден. Не велам дека тоа е здраво и не го препорачувам. Мора да имаш љубов кон овој спорт“, вели Саша Лампаш.
Речиси и да нема натпревар од кој дома не однел медал или трофеј.
„Најголемиот успех ми беше сега, кога се вратив пред три недели од натпреварувањето во Санта Сузана, Шпанија, бев трет на европското. Морав да бидам прв, но апсолутно го преболев тоа“, вели Саша.
Покрај сите негови успеси, она што се издвојува е неговото достигнување како родител. Саша е горд татко на една ќерка и иако не живее со неа, се труди да ѝ го посвети сето внимание. Саша истакнува дека е благодарен за сè во животот, но најмногу за најобичните работи.
„Секој ден кога станувам го ставам телефонот на страна и ја читам Библијата. Десет минути пред спиење и десет минути потоа. Благодарна сум за сè, што имам нозе, што одам, што сум здрав... Сè во животот се заслужува, дури и подарок“, изјави шампионот во бодибилдинг.
