Богатството на најбогатиот човек на светот Бернард Арно надминува 200 милијарди долари. Шефот на LVMH стана само третиот човек, по Илон Маск и Џеф Безос, кој некогаш стекнал вакво богатство.
Богатството на Бернар Арно, најбогатиот човек на светот, за прв пат надмина 200 милијарди долари, бидејќи акциите во неговата француска империја за луксузни стоки LVMH достигнаа рекордно високо ниво.
Овој 74-годишник стана само третата личност во историјата што стекнала богатство кое се проценува на границата од 200 милијарди долари. Илон Маск од Тесла и Џеф Безос од Амазон веќе ја достигнаа критичната точка пред нивното богатство да паднe, бидејќи цените на акциите на технолошките компании паднаа.
Можеби ќе ве интересира: 10-те најбогати луѓе во светот во последните 10 години (Инфографик)
Богатството на Арно се зголеми за 2,4 милијарди долари во вторникот на 201 милијарда долари, според индексот на милијардери на Блумберг, кој се ажурира секојдневно. Неговото богатство се зголеми за 39 милијарди долари оваа година бидејќи акциите на LVMH пораснаа за 30 отсто, благодарение на зголемената побарувачка за луксузни стоки меѓу богатите во светот.
Францускиот милијардер е 25 милијарди долари побогат од Маск, чие богатство е срушено со купувањето на Твитер од 44 милијарди долари и падот на вредноста на компанијата за електрични автомобили Тесла за 50 отсто во изминатата година. Маск е ко-основач, извршен директор на Tesla и поседува 13 отсто од акциите.
Безос, кој беше првиот човек кој достигна граница од 200 милијарди долари во август 2020 година, е трет најбогат човек во светот со богатство од 128 милијарди долари.
Извор: biznisinfo.mk
