Четиридневниот „семинар за среќа“ годинава првпат ќе се одржи во Финска.
Финкса ќе обезбеди сместување за десет лица во луксузниот ресорт Куру, потполно бесплатно, како и авионски карти, семинари и оброци. „Visit Finland“ ќе се погрижи за сè.
Според извештаите на Обединетите нации, Финска е на првото место на листата на најсреќни земји во 2023 година. Оваа земја вложува многу труд во менталното и физичкото здравје на својот народ, а оваа година решија да го споделат својот рецепт за среќа со другите народи.
Финска нуди четиридневен курс за среќа во луксузното одморалиште Куру, потполно бесплатен за десет луѓе. Учесниците ќе престојуваат во вили опкружени со борови шуми и живописен поглед, секоја со сопствен приватен спа и сауна.
Патувањето ќе се одржи од 12 до 15 јуни, при што групата среќници ќе ја обучуваат водечки експерти за среќа. Експертите ќе ја научат групата како да ја најдат својата внатрешна рамнотежа и како да се поврзат со природата и со себе.
Доколку сакате да аплицирате, мора да ја пополните онлајн апликацијата на веб-страницата „Find Your Inner Finn“, а потоа да учествувате во предизвикот на социјалните мрежи. Сè што треба да направите е да креирате содржина на Инстаграм или ТикТок, објаснувајќи зошто мислите дека можеби сте „тајно Финец“ и зошто сакате да учествувате во мастеркласот, кој ќе го споделите со хаштаговите #FindYourInnerFinn и #VisitFinland.
