Продажбата на билетот од 49 евра за јавен превоз во Германија започна на 3 април, но важи од 1 мај 2023 година, ќе може да се купи во следните две години, со тоа што од 2024 година билетот може да поскапи, следејќи ја инфлацијата. Постои уште поевтин билет – т.н Job-Ticket за 34,30 евра месечно!
Официјалната продажба на таканаречениот Deutschlandticket започна на 3 април, а се базира на искуствата од популарниот билет од 9 евра. Еве ги одговорите на најважните прашања за оваа нова карта:
Каде важи билетот од 49 евра?
Билетот од 49 евра важи од 1 мај во целиот јавен превоз во Германија, вклучувајќи ги регионалните железници, автобусите, трамваите, подземните и надземните возови. Автобускиот превоз на долги релации и брзите возови како што се ICE, EC и IC на Deutsche Bahn или други провајдери – како Flixbus и Flixtrain – не се вклучени.
Билетот секогаш важи еден календарски месец и се нуди како претплата, па автоматски се продолжува. Сепак, претплатата може да се откаже до крајот на секој месец до 10-тиот ден.
Во каква форма се нуди билетот?
Билетот може да се купи преку апликација за смарт телефон или како чип-картичка, привремено и како хартиен билет што може дигитално да се провери.
Не е потврдено дека ќе биде достапен за купување преку апликацијата за градски транспорт, но првично најверојатно ќе биде достапен во хартиена форма во машините за билети или во DB Reisenzentrum во железничките станици.
Бидејќи билетот треба да се наплаќа месечно директно од контото, Deutsche Bahn и платежниот сервис Logpay планираат да прават проверка на корисниците преку Schufa. Сепак, најавено е дека билетот ќе може да се купи и со негативна Шуфа.
Што ќе се случи со постоечките претплати (Abo-Vertrag)
Многу компании за јавен превоз веќе нагласија дека постоечките претплатни договори кои важат по 1 мај може да се префрлат на картичката од 49 евра – како Mainzer Mobilität или Koblenzer Verkehrsbetriebe.
Некои автоматски ќе се префрлат, а некои патници ќе мора самите да ги активираат – да се јават во нивната компанија или да проверат на нивните веб-страници.
Mainzer Mobilität веќе ги контактираше своите клиенти за месечни билети за да ги информира за опцијата за замена. „До минатата недела, од 12.000 постоечки клиенти, 2.600 претплатници се пријавија и одлучија да се префрлат на Deutschlandticket“, изјави за SWR портпаролот на компанијата Мајкл Теурер. Секој ден пристигнуваат нови барања.
Дали билетот важи и за велосипеди?
Велосипеди обично не може да се превезуваат бесплатно во возот, потребен е дополнителен билет. Ова во моментов чини шест евра дневно.
Сепак, постојат посебни одредби во одделни сојузни држави. Rheinland-Pfalz и Saarlandu, велосипедите може да се превезуваат бесплатно во регионалните возови од понеделник до петок од 9 часот наутро и во сабота, недела и државни празници без временски ограничувања. Во автобусите на поединечни компании има различни правила.
Може ли да се добијат дополнителни попусти?
Со билетот од 49 евра ќе биде достапен и деловен билет (Job-Ticket) кој ќе чини 34,30 евра месечно. Услов е работодавачот да плати минимален додаток од 25 проценти, односно 12,25 евра во почетната година. Владата дава попуст од пет проценти.
Повеќе детали: Доколку компанијата го субвенционира Jobticket со минимум 25 проценти, федералната влада и провинциите даваат дополнителен попуст од пет проценти. Така работниците би можеле да добијат најмалку 30 отсто попуст на Jobticket. Наместо 49 евра, работниците за билет би платиле само 34,30 евра или уште помалку.
Дополнително, се разгледуваат или веќе се планираат регионални дополнителни или алтернативни бенефиции за учениците, студентите и луѓето кои примаат социјална помош.
Повеќе информации за поединечни федерални републики можете да прочитате – ОВДЕ.
