Пандемијата, скинатите синџири на производство и снабдување, лошата глобализација, рецесијата, инфлацијата, зголемените цени на инпутите, геополитичките судири на моќните држави… имаа значително влијание врз намалувањето на вредноста на компаниите и богатството на бизнисмените во 2022 година.
Форбс пресметал дека за една година се „стопиле“ 400 милијарди долари и дека бројот на милијардери се намалил за 87.
Со внимание се следи трката на милијардери за светскиот трон на најбогат човек на планетата. Илон Маск и Џеф Безос „се борат до последен цент“ (од време на време скока некој како Бил Гејтс или Бернард Арно, што ја прави трката интересна и неизвесна).
Српскиот Недељник годинава за прв пат ексклузивно ја објави листата на најбогатите луѓе во регионот во соработка со водечките медиуми од регионот. Стоте најбогати бизнисмени во земјите од поранешна СФРЈ (без Словенија) вредат 69 милијарди евра.
48 српски милијардери од Листата на 100 најбогати „тешки“ се 33 милијарди евра, а 27 милијардери од Хрватска 24милијарди евра.
Дубравко Гргиќ –Agram grupa 2.840.000.000, Хрватска
Најбогатиот бизнисмен во регионот на хрватската јавност и е познат како „Кралот на осигурувањето“.
Миодраг Костиќ –MK grupa 2.779.323.438, Србија
Минатата година го зазеде второто место на Листата на 100 најбогати во Србија, како и годинава на листата на 100 најбогати во регионот. Неговата компанија ја искористи тешката деловна 2022 година за да порасне од 2.461.804.541 евра на 2.779.323.438 евра.
Мирослав Мишковиќ –Delta Holding 2.779.127.103, Србија
Сопственик е на компанијата Делта Холдинг, која работи во секторите агробизнис, извоз, увоз, застапување на странски компании, дистрибуција на стоки за широка потрошувачка, продажба на автомобили, развој на недвижности и развој на нови технологии. Делта Холдинг го реализира својот бизнис преку пет организациски единици: Делта Аграр Груп, Делта Фуд Процесинг, Делта Недвижности Груп, Делта Дистрибуција и дивизија на нови технологии.
Силвио и Роберт Кутиќ, Изабел Јелениќ –Infobip 2.500.000.000, Хрватска
Основана е во пролетта 2006 година од браќата Силвио и Изабел. Покрај нив, косопственик на Инфобип од 2020 година е и инвестицискиот фонд One Equity Partners, кој инвестираше 200 милиони долари.
Мате Римац –Rimac grupa 2.270.000.000, Хрватска
Мате е претприемач и иноватор кој стана познат на глобално ниво како производител на најбрзиот електричен автомобил во светот. Како и некои од неговите светски познати колеги, така и Римац започна од гаража, пред неполна деценија и половина. Тој ја основа автомобилската компанија Римац во 2009 година, а веќе во 2011 година имаше автомобил кој победи во „класа 11“ на улична трка 402 во Велика Горица, со кој собори пет рекорди на ФИА и Гинис за најбрзо забрзувачки електрични автомобили.
Емил Тедески –Atlantic grupa 1.600.000.000, Хрватска
Емил Тедески е основач и мнозински сопственик на Атлантик Група. Тој е претседател на управниот одбор на Атлантик и сопственик на 50,2 отсто од акциите на компанијата.
Петар Матијевиќ –MI “Matijević” 1.597.272.145, Србија
Петар Матијевиќ е сопственик на производствено-трговската компанија Индустрија меса Матијевиќ, чија основна дејност е производство и трговија со месо и месни производи.
Компанијата има 106 компании од областа на земјоделството, трговијата, недвижностите и угостителството. „Матијевиќ аграр“ обработува околу 37.000 хектари земјоделско земјиште на територијата на Војводина и околу 2.500 хектари во Хрватска.
Дејан Чакајац и Јадранка Степановиќ –Mozzart 1.353.004.180, Србија
Компанијата Моцарт е лидер во областа на игрите на среќа и спортското обложување во регионот на Југоисточна Европа. Основана е во 2001 година и со околу 1.000 уплатни места е присутна на пазарот во Србија, Република Српска, Северна Македонија, Хрватска, Малта, Романија, Кенија, Колумбија, Гана и Нигерија.
Драган Шолак –United Group 1.335.800.000, Србија
Драган Шолак го започна својот бизнис во 2000 година како мала кабелска компанија, а од 2012 година работи како Јунајтед Груп. Оттогаш, таа се зголеми преку бројни аквизиции, вклучувајќи кабелски оператори, платформи за производство на медиумска содржина и даватели на мобилни услуги, и се прошири низ целиот регион. Пазарот во Србија учествува со 10 отсто од приходите на Групацијата.
Миле Ќурковиќ –Plodine 1.313.750.000, Хрватска
Плодине е еден од најголемите синџири супермаркети во регионот. Имаат 112 супермаркети низ Хрватска.
Листата на 100-те најбогати во регионот ја подготвија експерти од две реномирани консултантски компании кои работат на Њујоршката берза, пренесува Mondo.me. Тие ги користеа најавторитетните множители од Stern School of Business New York University (и компаративните компании) и ги вклучија во анализата резултатите од пазарните трансакции во регионот и светот.
Извор: biznisinfo.mk
