Еден бургер бар во Баварија од почетокот на годината воведе „Хабек паушал“, кој предизвика бурни реакции кај посетителите. Тамошните медиуми пишуваат дека поради високите трошоци за енергија, се повеќе ресторани наплаќаат дополнителен надомест по гостин. Германските медиуми посочуваат дека дополнителната такса зависи од ресторанот и изнесува од 1,50 до 2 евра.
Еден познат германски телевизиски готвач и неговиот татко на своите гости им наплаќаат енергетска цена од 1,50 евра во нивниот ресторан во Хамбург - и тоа го прават од октомври минатата година, наведуваат германските медиуми.
На социјалните мрежи се појави сметка од клиент кој поради споменатиот паушал морал да плати дополнитлени 7,50 евра за оброк за пет лица. Многу гости се лути поради паушалната стапка за енергија, но се чини дека рестораните не се премногу загрижени поради тоа, пишува Феникс.
„Сега плаќаме двојно повеќе за енергија отколку порано. Имам зголемување на трошоците за повеќе од 100 проценти. Ако не ви се допаѓа, не мора повеќе да доаѓате“, рекол таткото на познатиот готвач. Тој посочи дека на менијата и на влезната врата се наведени информации за дополнителни трошоци за енергија.
Цените на енергијата навистина рапидно пораснаа во текот на изминатата година поради војната во Украина. Германија е силно зависна од рускиот гас и сега мора да се префрли на многу поскапи алтернативи.
Ова особено им штети на секторите зависни од енергија - како што е гастрономијата. Ова е причината зошто некои ресторани во Баварија и Долна Саксонија воведоа доплата за трошоците за енергија минатата година.
Бургер барот во Баварија од почетокот на годината ресторанот од гостите бара дополнителни две евра за „Хабек паушал“. Тој ја нарече рамната стапка по германскиот министер за економија Роберт Хабек (Зелените), за кого многумина сметаат дека е директно одговорен за повисоките цени на енергијата.
Мора да се прикаже известувањето за паушална стапка
Генералниот директор на германската асоцијација на хотели и ресторани (Дехога) во Долна Саксонија минатата година за германските медиуми изјави дека постои разбирање за воведување паушална стапка.
Таа рече дека две третини од членовите на здружението имаат егзистенцијални стравови и мора да најдат начини да ги намалат цените.
„Сепак, гостите мора однапред да бидат запознаени со паушалната стапка за енергија во ресторанот. Ова мора да се каже порано и да се види веднаш штом ќе влезете во ресторанот“, велат од споменатото здружение.
