Сезоната на годишни одмори полека започнува, како и секоја година голем број од Македонците и Србите ќе заминуваат во Грција, но пред да заминат на море со сопствени автомобили, важно е да се информираат за казните за сообраќајни прекршоци. Казните во Грција се многу високи. Турист од Србија направил прекршок поради кој останал без регистарската табличка, а ќе мора да плати и парична казна.
На Фејсбук групата „Грција инфо“ татко објави што се случило со неговиот син. Неговиот син престигнал дупла полна линија и добил казна од 200 евра, а му биле одземени и регистарските таблички.
„Мојот син доби казна од 200 евра од сообраќајната полиција на Калитеа затоа што престигнал преку дупла полна линија. Му ги извадија регистарските таблички од автомобилот, ја платил казната, но нема да му ги вратат табличките, велат казната е 20 дена.Пратија и документација дека треба да одат во Србија, контактирале со конзулатот и засега се уште ништо не направиле.Еве што сакам да споделам за да знаете што може да се случи во Грција за да може подобро да се подготви за сезоната“.
Извор: faktor.mk
