Модниот синџир Gerry Weber долго време е во финансиски тешкотии. Сега е познато дека модниот синџир ќе затвори 122 од 171 филијала, а дел од работниците ќе бидат отпуштени.
Пропаднатиот производител на облека Gerry Weber планира да затвори поголем дел од своите продавници во Германија во наредните месеци, јавуваат германските медиуми.
Вкупно 122 од 171 филијала на компанијата ќе бидат затворени до крајот на септември годинава како дел од процесот на реструктуирање, соопшти компанијата.
Укинување на 400 работни места
Ова исто така ќе елиминира околу 350 работни места со полно работно време.
Компанијата во иднина повеќе ќе се фокусира на големопродажба и со тоа ќе се врати на своите корени“, вели првиот човек на компанијата.
Компанијата ќе ги затвори сите непрофитабилни филијали во Германија.
Финансиските проблеми траат подолго време
Како што пишуваат германските медиуми, компанијата веќе неколку години се бори со финансиски проблеми и опстанок на пазарот.
Во април, Gerry Weber International AG поднесе барање до судот во Есен за покренување постапка за реструктуирање во согласност со Законот за стабилизација и реструктуирање на претпријатијата (StaRUG).
Набргу потоа, Gerry Weber Retail GmbH, чиј дел е подружницата, поднесе барање за стечај во самоуправување. Во понеделникот беше отворена стечајна постапка.
Пред нешто повеќе од три години Gerry Weber се спаси од банкрот, пишуваат германските медиуми.
Извор: biznisinfo.mk
