Во летните месеци, во автомобилот може да биде непријатно жешко, а некои предмети што се користат секојдневно може дури и да експлодираат.
Кога автомобилот е на жешкото сонце, внатрешноста брзо станува уште пожешка, па температурата во кабината може да се искачи над 50-60 степени Целзиусови, а исто така сè во возилото брзо и интензивно се загрева.
Ова може да предизвика проблеми, и тоа не само за луѓето и домашните миленици, кои никогаш не смеат да останат во автомобил со затворени прозорци и врати во лето.
Тоа е исто толку опасно за електрониката: ако уредите како мобилни телефони или лаптопи се изложени на директна сончева светлина во заклучено возило, тие дури може да експлодираат.
Со зголемување на топлината, литиум-јонските батерии може да предизвикаат експлозивно самозапалување.
Исто така, дезодорансот, спрејот против комарци, средствата за дезинфекција или шишиња/лименки со газирани пијалаци може да експлодираат на температури од 50 степени Целзиусови и повеќе.
Затоа, во случај да го оставате автомобил долго време изложен на директна сончева светлина, овие предмети не треба да се оставаат во возилото.
Извор: kajgana.com
