Технолошките компании почнаа да ги отпуштаат своите работници во текот на изминатата година, и тоа не е ништо ново. Но, прашање е, што се случува кога ќе дојде таа одлука и „за кого е време да се оди“?
„Кој вреди да се чува, а кој е „потрошен“ материјал“, е едно од клучните прашања со кои се борат експертите во компаниите.
Додека стажот порано беше пресвртна точка за отпуштање работници, сега се чини дека менаџерите повеќе се свртуваат кон отпуштање врз основа на вештини, а не на стаж.
Логично, некои компании ќе им дадат приоритет на оние работници кои работат на проекти и цели кои изгледаат остварливи во следните три години, во споредба со петгодишниот план, пишува Wall Street Journal.
Покрај прегледот на историјата на перформансите на вработените, многу компании го разгледуваат потенцијалот на работниците да се прилагодат и да преземат нови работни места во иднина.
„Навистина се сведува на индивидуални проценки на перформансите во одредувањето кој ќе го задржите“, рече извршниот директор на една компанија за човечки ресурси и аутсорсинг.
Откако ќе се подготви список на потенцијални отпуштања, персоналот за човечки ресурси работи на „прочистување“ на списокот, барајќи да види дали, на пример, компанијата несразмерно отпушта луѓе на возраст над 40 години или неправедно ги таргетира малцинствата, ветераните или други групи.
Некои компании прават такви списоци во рок од една недела, додека на некои компании им требаат и до два месеци да заклучат кои вработени повеќе не се соодветни за нивниот бизнис.
Извор: biznisinfo.mk
