Во моментов таму работат повеќе од 1.300 луѓе, меѓу кои 700 се жени кои работат на полесни работни места, односно работи кои бараат прецизност, а не голем физички напор.
Игман Коњиќ неодамна донесе одлука да вработи 350 нови работници за една година, за едноставни работни места на машини и постројки.
Преку јавен оглас, кој е објавен на 14 јуни годинава, компанијата ги бара на одредено време, односно за наведената година. Станува збор за работното место „Работник за едноставни задачи“, а еден од условите е да има најмалку четири одделенија основно училиште, пишува Бука.
Во поканата не е наведена причината за зголемувањето на бројот на вработени, а директорот Ѓахид Муратбеговиќ ги потенцира општите услови и потребната документација за аплицирање. По тендерската постапка, вработени се 350 работници, а решението го потпишал директорот.
Оваа компанија во април годинава објави конкурс за вработување на 24 лица на позициите референт за план, анализа и контрола на трошоци, финансиски сметководител, чувар, референт за набавка и контрола на алат, регулатор на машини, секач за метал, бравар...
Подоцна, одржувањето на писмените и усните испити за вработување на овие работни места беше прекинато, а продолжи пред еден месец.
Компанијата постои од 1950 година со одлука на Јосип Броз Тито, а денес произведува воена и ловечка муниција од различен калибар. Игман е во мнозинска сопственост на Владата на БиХ (51 отсто), а 49 отсто е во приватна сопственост.
Во моментов работат повеќе од 1.300 луѓе, меѓу кои 700 се жени кои работат на полесни работни места, односно работи кои бараат прецизност, а не голем физички напор.
Извор: faktor.mk
