Една четвртина од младите на возраст од 15 до 29 години во Европската унија работат во текот на своето образование, објави Евростат.
Во 2022 година, 72 отсто од младите граѓани на ЕУ биле надвор од пазарот на труд за време на нивното образование, а три отсто активно барале вработување.
Динамиката на транзицијата на младите луѓе од формално образование на пазарот на труд значително се разликува меѓу земјите на ЕУ.
Овие разлики се под влијание на националните образовни системи, достапноста на обуката, карактеристиките на пазарот на трудот и културните фактори.
Најголем процент на млади кои студираат и работат во исто време е забележан во Холандија – 73 проценти, Данска – 52 проценти, Германија – 45 проценти, а најмал во Романија – два проценти, Словачка – пет проценти, Унгарија – шест проценти.
Најголем дел од младите во формалното образование кои активно бараат вработување е забележан во Шведска – 13 проценти, Финска – седум проценти, Холандија – шест проценти.
Спротивно на тоа, помалку од еден процент од младите кои студираат во Унгарија, Чешка, Романија, Хрватска, Полска и Литванија активно барале работа минатата година, а овие земји имаат и најголем број млади луѓе кои не учествуваат во пазарот на трудот во текот на нивното образование, пренесува Танјуг.
Извор: Biznisinfo.mk
