Најновото истражување покажува огромни слабости, кои вештите хакери можат да ги искористат за злонамерни операции.
Американскиот хакер Сем Кари и неговиот тим спроведоа опсежно истражување за брендовите на автомобили и безбедноста на нивните софтверски системи.
За време на своето истражување, Кари открил многу безбедносни пропусти во софтверот на брендовите како BMW, Mercedes, Toyota и Kia.
Кога станува збор за производителите како Mercedes, BMW и Ferrari, Кари можеше да ги прегледа и уреди нарачките на сопствениците и вработените во компанијата.
Сепак, за брендовите како Kia, Honda, Nissan и Hyundai, отиде уште подалеку. Во автомобилите од овие брендови, тој можеше да ги отклучи автомобилите, да го запали моторот, да го запре моторот, да го лоцира возилото, да ги вклучи светлата и многу повеќе, користејќи хакирање.
Во автомобилите на Kia, тој можеше дури и од далечина да пристапи до камерата од 360 степени.
Во Land Rover, Jaguar, Ford и Toyota, Кари и неговиот тим можеа да пристапат до личните информации на сопствениците на автомобили, дури и до нивната домашна адреса во некои случаи.
Поентата е дека производителите на автомобили треба посериозно да ја сфатат заштитата на автомобилите. Хакерите со лоши намери би можеле да им нанесат голема штета на сопствениците.
