Здравствените проблеми многу често можат да бидат предизвикани не само од неквалитетната храна, туку и ако ја јадете најдобрата храна во погрешно време.
Доколку сакате да избегнете проблеми, обрнете внимание на времето од денот кое според нутриционистите е најдобро за консумирање овошје, зеленчук, млечни производи и слатки.
Банани
Бананите најдобро се јадат околу пладне. Богати се со калиум, го забрзуваат метаболизмот и работата на органите за варење. Затоа никогаш не треба да се јадат навечер.
Јаболка
Јаболката содржат пектин, кој го намалува шеќерот и холестеролот во крвта, па затоа е добро да се јаде како ужина помеѓу појадокот и ручекот. Подобро е да ги избегнувате навечер, бидејќи пектинот тешко се вари навечер.
Компир
Јадете компири само преку ден бидејќи се полни со минерали, го намалуваат холестеролот и ќе бидете сити за да го завршите работниот ден. Не се препорачува за вечера бидејќи јаглехидратите предизвикуваат вишок килограми.
Топло млеко
Топлото млеко навечер делува смирувачки, а една шолја пред спиење е доволна за мирен сон. Пожелно е да го избегнувате наутро бидејќи го отежнува варењето доколку не сте доволно активни во текот на денот.
Јаткасти плодови
Јаткастите плодови, односно грст ореви или бадеми, добро ќе влијаат на крвниот притисок и работната енергија доколку ги консумирате околу пладне. Доколку ги јадете навечер, а често, сметајте на вишок килограми, пренесува net.hr.
