Од денеска официјално започнува со работа новоотворениот пункт во полициската станица „Пролет“, кадешто граѓаните кои не ги замениле личните документи ќе имаат можност, без закажување да го направат тоа. На првиот ден од отворањето пред пунктот се создаде долга редица од граѓани кои чекаат за промена на личните документи.
Министерот за внатрешни работи рече дека пунктот ќе биде со работно време од 8 наутро до 18 часот, со можност за продолжување на работното време за уште два часа. Според проценките, дневно ќе бидат опслужувани 1000 граѓани.
Спасовски вели дека ако се продолжи со оваа динамика ќе се променат личните документи до предвидениот законски рок, 14 февруари.
