Шпанскиот град Малага е местото каде што иселениците се чувствуваат најсреќни и најисполнети во светот, според истражувањето на Expat Insider 2023 година.
Локалните жители таму се пријателски расположени кон странците, времето е добро, има многу интересни опции за поминување на слободното време, домувањето е достапно, а трошоците за живот не се премногу високи. Сепак, и таму не е сè така прекрасно. Испитаниците велат дека во овој град на југот на Европа нема многу можности за вработување на странци, но дека балансот помеѓу професионалниот и приватниот живот е задоволителен. Истражувачите ги добиле овие податоци врз основа на одговорите на 12.000 луѓе кои живеат во 172 земји или територии во светот.
Втор на листата е исто така шпанскиот град Аликанте, кој е спроти Ибица, а потоа следат Валенсија, градовите на Емиратите Рас ал Хаима и Абу Даби, Мадрид, Мексико Сити, Куала Лумпур, Бангкок и Мускат, најголемиот град во Оман.
