Илјадници ресторани и барови се затвораат во Велика Британија поради зголемените сметки за комунални услуги и кирии, пишува Independent, повикувајќи се на податоци од консултантската групација CGA, пренесува Политика.рс.
„Угостителската индустрија се врти под тежината на зголемените сметки за енергија...Илјадници барови, ресторани и пабови ширум Велика Британија трајно се затвораат поради преголемата кирија и тековните трошоци“, пишува весникот.
Забележано е дека од јануари до септември 2023 година, повеќе од десет такви установи биле затворени секој ден во Велика Британија. Во исто време, нивниот вкупен број во земјата падна на помалку од 100.000, за прв пат откако се следат податоците.
Други фактори кои доведоа до затворање на рестораните и баровите во Велика Британија се зголемувањето на цените на храната и недостигот на персонал, пренесува RT Balkan.
