Стимбоут Спрингс се наоѓа во планините на Колорадо со скијачката област Стимбоут, а се надеваат дека ќе станат една од најдобрите ски дестинации на светот во децениите што доаѓаат. Опкружен со снег и раскошни дрвја, ги привлекува љубителите на зимските спортови, а околината околу него е исто толку волшебна.
И покрај многуте работни места кои се нудат во овој град, областа станала толку недостапна од пандемијата на коронавирусот, а градскиот менаџер Гери Сутер изјавил дека градот се бори да пронајде работник за позицијата на шеф на човечки ресурси (HR) и управување со ризици – со плата од 167.000 долари. Тој посочил дека двајца кандидати за работа ја одбиле таа позиција, бидејќи платата не би ги покрила трошоците за живеалиште.
Лорин Дјук, директорка за комуникации за скијалиштето Стимбоут, за „NBC News“ изјавила дека градот порано имал куќи за вработените, додека хотелите биле резервирани за гостите – „меѓутоа сега куќите се за гостите, а хотелите за престој на вработените.
Локалниот агент за недвижности, Џон Вејд за „NBC“ изјавил дека од 2020 година, цената на недвижностите се зголемила за 64%, што значи дека доколку имате плата од 200.000 долари или помалку, веројатно ќе се борите да бидете во можност да си дозволите да живеете во ова подрачје.
Наместо тоа, недвижностите ги „собрале“ луѓе кои купуваат втор дом или инвеститори за краткорочно изнајмување и работници на далечина кои бараат добри понуди.
