СМА Холдинг Ш.П.К., албанската компанија од Тирана која купува бизниси во Македонија, ја презеде „Студио Модерна“ од Скопје, застапникот на брендовите како „Дормео“, „Делимано“ „Вокмакс“ и „Топ Шоп“ со ланец на продавници низ земјата.
Албанската компанија, позната по тоа што во Македонија ги поседува уште и „Вива Фреш“ и „Кит-Го“, од крајот на феврурари е нов сопственик на местото на Студио Модерна Холдингс Инвестментс од Амстердам. Албанскиот холдинг веќе ги поседува маркетите „Вива Фреш“, а од неодамна го купи и малопродажниот ланец „Кит-Го“ од Штип.
„Студио Модерна“ до почетокот на руско-украинската криза беше компанија со бројни филијали кои успешно работеа во Европска Унија, а агресивната кампања беше заштитен знак. Во еден момент имало вкупно околу осум илјади вработени, приходот бил околу 500 милиони евра, а биле отворени подружници во околу 20 земји.
Во јули словенечкиот основач на „Студио Модерна“, Санди Чешко, познат уште и како „крал“ на ТВ продажбата, кој со своите брендови Дормео, Делимано и Космодиск „навлезе“ во речиси секое домаќинство во овој дел на Европа, за словенечките медиуми потврди дека е во деловни тешкотии.
