За само две недели се отворија вратите за над 2.000 работници
Граѓаните на Македонија, Србија и Албанија веќе две недели преку проектот Отворен Балкан имаат можност да добијат слободен пристап до пазарот на трудот во овие три земји. Од македонската Влада информираа дека за 15 дена се издадени над 2.000 сертификати. Дел од македонските работодавачи се загрижени, бидејќи како што велат можно е нашата квалитетна и квалификувана работна сила да замине во странство, а да ни дојде евтина и неквалификувана. Ангел Димитров, претседател на Организацијата на работодавачи на Македонија, за весникот ВЕЧЕР вели дека во Отворен Балкан и не гледа некој голем проблем, проблем е што нема стратегија како да се задржи во земјава младиот едуциран кадар
Но, сè уште не се знае од овие 2.000 апликации колку се од Македонија, а колку од Србија и Албанија. Не се знае ниту колку граѓани од овие земји побарале потврда за пристап до македонскиот пазар на труд. Исто така се нема информации за профилот на работниците од регионот кои сакаат да најдат работа преку „Отворен Балкан“.
Целиот текст прочитајте го на: vecer.press
