Трошоците за живот растат, што влијае на буџетот на домаќинствата на многумина, па така сите избираат различни начини на штедење.
Додека многу експерти споделуваат совети за тоа како да заштедите пари и енергија, понекогаш тие совети всушност можат да доведат до повеќе трошење на долг рок.
Експертот за штедење Џејсон Хигс од Баунти објасни три „трикови“ за да заштедите пари кои подоцна може да чинат повеќе.
Купување поевтини верзии на производот
Економските производи може да ги намалат вашите трошоци, но тие често се со послаб квалитет, што значи дека потребата за чести поправки или замени ги надминува првичните заштеди.
Ако купувате нешто што треба да трае, како на пример електронски уреди, често е многу поумно да вложите повеќе пари во квалитетен производ.
Опцијата за плаќање на рати може да биде добра, советува експерт за Daily Star.
„Поволни цени“
Купувањето артикли на големо може да значи дека индивидуалната цена на секој артикал драстично паѓа, но тоа не е случај во сите продавници.
Главната опасност од купувањето во големи количини е тоа што ќе добиете премногу и на производите ќе почнат да истекуваат роковите пред да можете да ги користите.
„Ако фрлате храна, ги фрлате вашите заштеди“, објасни Џејсон Хигс.
Самостојно извршување на поправки
Поправката на домот може да биде скапа, па затоа некои одлучуваат да ги преземат работите во свои раце.
Меѓутоа, проектите „направи сам“ се ризик ако не сте запознаени со материјалот или ако немате соодветни алатки и безбедносни мерки.
Ако не сте сигурни што правите, трошоците за поправка може да бидат повисоки отколку ако сте платиле на мајстор.
