Постојаното зголемување на димензиите на новите автомобили и зголемената популарност на големите теренци значи дека возачите се борат да влезат и да излезат на паркинзи и јавни гаражи.
Една нова студија проценува дека кога два нови автомобили со просечна големина се паркирани еден до друг на стандарден паркинг простор, остануваат само 30 см за да се отворат вратите. Како резултат на тоа, возачите се повеќе мораат да користат акробатски вештини за да влезат и да излезат од своите автомобили.
Истражувањето на 2.000 возрасни лица во Велика Британија покажало дека секој петти мора да прибегне кон влегување во паркиран автомобил преку багажникот поради недостаток на простор за да ја отвори вратата.
Половина (51 процент) рекле дека единствениот начин за пристап до нивниот автомобил е преку совозачката врата, бидејќи немало простор да се отвори вратата од возачката страна.
Како резултат на тоа, 57 проценти од возачите редовно избегнуваат одредени паркинзи за кои знаат дека имаат тесни места.
Дури 83 отсто од возачите често избегнуваат празни места бидејќи другиот возач не оставил доволно простор, додека 75 отсто велат дека им дозволуваат на патниците да излезат од возилото пред да се паркираат за полесно да излезат.
Повеќето паркинг места низ Европа се широки 240 см. Денешните просечни семејни автомобили се во просек широки 180 cm, што остава само 30 cm од двете страни за отворање на вратите.
Но, дури и малите автомобили денес се доближија многу блиску до таа ширина, па ни со нив не е лесно.
Големите димензии на најновите автомобили доведоа до зголемување на бројот на возачи кои ги прекршуваат правилата за паркирање користејќи места резервирани за лица со посебни потреби или лица со мали деца. Повеќе од една четвртина од анкетираните признале дека прават нешто такво.
Зголемената ширина на автомобилите, во комбинација со тесни паркинг места кои не се прилагодени на денешните модели, значи дека оштетувањето на другите автомобили е многу почесто при отворање на вратите, но и при маневри за паркирање.
Штетата предизвикана од удирање во друго возило или оштетување на автомобил во контакт со ѕидови или столпчиња при влегување или излегување од паркинг ги чини возачите во Велика Британија околу 424 милиони фунти секоја година.
На третина (30 проценти) од возачите им е оштетен автомобилот на паркинг во минатата година, а просечниот трошок за санирање на штетата е 223,50 фунти (околу 260 евра).
Само 7 отсто се изјасниле дека тој што ја направил штетата платил за поправка, додека повеќе од една третина од испитаниците признале дека не ја ни санирале штетата.
Мајк Хаус, од Здружението на производители и дилери на мотори, кое ги претставува автомобилските компании во Британија, вели дека новите автомобили стануваат се поголеми за да се подобри безбедноста и да се овозможи употреба на почисти погонски единици за намалување на емисиите.
„Современите автомобили се опремени со напредни безбедносни технологии за заштита на патниците и другите учесници во сообраќајот, од воздушни перничиња до зоните на гужване, а сето тоа придонесува возилата да бидат поголеми од порано, рече тој.
„Но, на крајот, потрошувачите се тие кои влијаат на дизајнот на возилата, а производителите одговараат на вкусовите и преференциите на пазарот“, изјави Хаус за This is Money.
