Макфире Шакири со години беше една од најинспиративните жени во Македонија, бидејќи беше една од ретките што работеше како возач на автобус во Јавното сообраќајно претпријатие во Скопје.
Во ЈСП работеше од 2005 година, а патниците секогаш ги пречекуваше со насмевка. Нејзиниот фејсбук профил секогаш е полн со позитивни мисли и пораки.
Најчесто возеше автобус со бројот 35.
За жал, Шакири на нејзиниот фејсбук профил објави дека го напуштила работното место во ЈСП и заминала во Германија на печалба. И таму судејќи според нејзината објава на фејсбук, ќе вози автобус.
Во медиумите уште при крајот на минатата година се пишуваше дека стотина возачи на ЈСП во октомври заминале на работа во Германија, каде што ја продолжиле својата кариера како возачи, но за подобро услови и плати.
