Цената на кафето Робуста го достигна највисокото ниво во последните 45 години, покажуваат податоците на Меѓународната организација за кафе, во услови на зголемен недостиг.
Мерачот на организацијата на големопродажните цени се зголеми за 17 отсто во април на највисоко ниво од 1979-та година, според месечниот извештај цитиран од „Bloomberg“.
Виетнам – најголемиот производител на Робуста – продолжува да се соочува со тешкотии во снабдувањето поради лошата жетва минатата и оваа сезона, соопшти Меѓународната организација за кафе.
Сушата и жештината им се закануваат на регионите каде што се одгледува кафе во Виетнам, а дополнително влошените прогнози за берзата во Лондон во 2024-та година се зголемија во пет од изминатите шест месеци, што веројатно ги оптоварува потрошувачите.
Сепак, закрепнувањето во Виетнам не е исклучено да започне веќе овој месец. Во исто време, посевите на Арабика засега се побогати, што исто така помага донекаде да се олеснат цените.
